انا و زوجة الكافيل في العربية قصة حقيقية

لما صاحبي يزن كلمني وقال لي عدي على مراتي وانت راجع من الشغل ما كنتش اعرف ان المشوار ده هيكسر الصداقة اللي بينا ويقلب حياتي كلها

انا و زوجة الكافيل في العربية قصة حقيقية. 

اذا كنت لا تحب القراءة او تفضل سماع القصص فيمكنك متابعة فيديو القصة في اخر المقال حيث تم سردها صوت وصورة بطريقة واضحة ومؤثرة

فيديو داخل المقال

اضغط على السهم لمشاهدة الفيديو

الفيديو كامل اسفل القصة مباشرة

انا ادهم عندي ثمانية وعشرين سنة سافرت السعودية علشان اشتغل وابني مستقبلي زي اي شاب كان حاسس ان بلده مش هتديله الفرصة اللي بيحلم بيها وكان صاحبي يزن هو الباب اللي دخلت منه للغربة لان يزن كان صديق عمري واتربينا مع بعض ودرسنا مع بعض وكان اقرب لي من اخويا

يزن اتجوز زينة وزينة كانت بنت معانا من ايام المدرسة جميلة وذكية وشخصيتها قوية وبعد الجواز سافرت معاه السعودية لان عمها كان صاحب شركة كبيرة هناك وبعد كام سنة كلمت يزن وقلت له اني عايز اسافر وهو ما اتاخرش عليا وكلم زينة وهي كلمت عمها وفي خلال شهر كان العقد جاهز وسافرت

اول ما وصلت لقيت يزن وزينة مستنيينني في المطار استقبلوني احسن استقبال وخدوني على السكن ووقفوا جنبي لحد ما بدأت الشغل واشتغلت سواق في شركة عم زينة وكان يزن يعرفني الطرق والشغل خطوة بخطوة وكان بيعتبرني من اهل بيته اما زينة فكانت تساعدني في الشغل لانها كانت ماسكة قسم الحسابات والتوزيعات في الشركة

في الاول كنت بتعامل معاها باحترام شديد لانها مرات صاحبي ورئيسة في الشغل لكن مع الوقت بدأت الاحظ حاجات غريبة بينها وبين مديرها ضحك زيادة وكلام جانبي ونظرات مش مريحة ومواقف تخلي اي حد يشك وكنت كل مرة اقول لنفسي بلاش تكبر الموضوع يمكن طبيعة شغل ويمكن انا بفهم غلط ولو قلت ليزن ممكن اخرب بيته واخسر شغلي وغربتي كلها

فضلت ساكت لكن السكوت ساعات بيخلي الغلط يكبر قدام عينك وفي يوم اتاخرت في توصيل طلبية ورجعت الشركة بعد انتهاء الدوام وكنت داخل اعمل البصمة وامشي لكن سمعت صوت جاي من مكتب المدير وقفت لحظة ولما قربت لقيت زينة والمدير في موقف ماينفعش يتوصف انه شغل ولا زمالة

فتحت الباب عليهم وزينة اتخضت والمدير وشه اتغير وانا وقفت مكاني مش مصدق ان دي مرات صاحبي قلت لها انتي بتعملي ايه قالت لي اوعى تفهم غلط قلت لها لا انا فاهم كويس واللي شفته مش محتاج تفسير وهنا المدير حاول يهددني وقال لي لو اتكلمت انت وصاحبك مش هتقعدوا في البلد وهتترحلوا وترجعوا من حيث جيتوا

كلام المدير كان تهديد صريح لكن اللي وجعني اكتر كان موقف زينة لانها كانت خايفة على نفسها اكتر ما كانت ندمانة على يزن وفضلت تقولي يا ادهم عشان خاطري ما تقولش ليزن انا هشرح لك كل حاجة وطلبت تركب معايا العربية وانا كنت بين نارين لو قلت ليزن هيتهد بيته ولو سكت ابقى بخون صاحبي بسكوتي

ركبت زينة جنبي وهي متوترة وفضلت تسألني هتقول لصاحبك فقلت لها انا مش هقول له دلوقتي لكن اللي حصل غلط ولازم يوقف فقالت لي انها بتحب يزن لكن بينها وبينه حاجات ناقصة وان المدير استغل ضعفها وكلامها واحتياجها للاهتمام وانا كنت سامع ومش مصدق ازاي واحدة تقول بتحب جوزها وهي داخلة في طريق ممكن يهدمه

وصلتها البيت ولقيت يزن مستنينا ابتسم وقال لي كويس انك جبتها معاك ودعانا ناكل معاه وقعدت على السفرة قدام صاحبي وهو بيضحك معايا وبيحط لي الاكل وانا شايل في صدري سر لو طلع هيكسر قلبه ومن اليوم ده بقيت علاقتي بزينة مختلفة وهي بقت تتعامل معايا براحة زيادة وانا بقيت ادخل معاها في هزار وكلام ماكانش ينفع يحصل مع مرات صاحبي

كنت بحس بالذنب لكن في نفس الوقت كنت حاسس اني مسكت سرها وان المدير اللي كان بيهددها بقى يخاف مني ومع الايام قربت منها اكتر وده كان غلط جديد فوق الغلط القديم لحد ما جه اليوم اللي كلمني فيه يزن وقال لي وانت راجع من الشغل عدي على زينة هاتها معاك عربيتها في الصيانة والمكان اللي هي فيه بعيد ومفيش مواصلات

قلت له من عيني وروحت استناها قدام الشركة واتاخرت شوية بسبب الحسابات وقعدنا نتكلم عن ايام المدرسة والبلد والذكريات وكانت لابسة بشكل مختلف عن المعتاد وواضح انها مهتمة بنفسها زيادة ولما ركبت معايا مشينا في طريق جانبي قريب من الجبل طريق هادي ومفيهوش حركة كتير

واحنا ماشيين حصل عطل مفاجئ في العربية والعربية اهتزت جامد وزينة اتخضت ومسكت فيا من الخوف ووقتها كان لازم انزل اشوف العطل وكان لازم ارجع لعقلي وافكر انها مرات صاحبي لكن القرب والخوف والكلام القديم فتحوا باب ماكانش لازم يتفتح

قلت لها انتي مرات صاحبي فقالت لي وهي متوترة انا عارفة بس انا تعبت من اللي جوايا وكانت لحظة ضعف وغلط كسرت كل معنى للصداقة والامانة ومهما حاولت ابرر لنفسي مفيش مبرر يخلي الراجل يقرب من زوجة صاحبه او يخون واحد وقف جنبه في غربته وفتح له باب رزقه

بعد الموقف ده كل حاجة اتغيرت وما بقتش شايفها مجرد زوجة صاحبي وهي كمان بقت تتعامل معايا كأني اقرب لها من يزن وبدأت تقول لي ان يزن اتغير وبقى بعيد عنها ومش مهتم وانها اكتشفت عليه كلام وعلاقات على الشات وكنت انا اسمع وبدل ما انصحها وارجعها لبيتها كنت بغرق معاها اكتر

استمرت الحكاية فترة طويلة سر جوا الغربة وشغل جوا الشركة وضحك قدام يزن وخيانة مستخبية تحت اسم الصداقة وكان يزن يثق فيا ثقة عمياء يفتح لي بيته وياكلني من اكله ويقول للناس ادهم اخويا مش صاحبي وكل كلمة منه كانت بتوجعني اكتر من اللي قبلها

بعد سنتين نزلت بلدي وخطبت واتجوزت ورجعت السعودية وانا ناوي افتح صفحة جديدة لكن لما رجعت وشفت زينة حسيت ان الماضي لسه مستني وهي حاولت ترجع الكلام القديم لكن انا كنت اتغيرت وبقيت شايف ان اللي عملته مش حب  خيانة لصديق وقف جنبي في غربتي

حاولت ابعد لكن الذنب ما بعدش عني وكل ما اشوف يزن افتكر انه السبب في سفري ووقفتي واني قابلت معروفه بالخيانة والسكوت فقصة ادهم وزينة ويزن مش قصة حب دي قصة عن صديق خان الامانة وزوجة ضاعت بين اهمال جوزها وضعفها ورجل سكت على غلط ثم وقع فيه

الغربة بتكشف معادن الناس والقرب من بيوت الاصحاب لازم يكون له حدود لان الباب اللي يتفتح بهزار وكلام بسيط ممكن ينتهي بكارثة وانا ادهم دخلت السعودية بفضل صاحبي واشتغلت بفضل مراته وعمها لكن بدل ما احافظ على الثقة خليت السر يكبر لحد ما بقى حمل على قلبي

والسؤال اللي بيفضل يطاردني هل كنت لازم اقول لصاحبي من اول يوم شوفت فيه زينة مع المدير ولا سكوتي كان بداية الخيانة الحقيقية وهل اللي يخون صاحبه مرة يقدر يعيش مرتاح بعد كده ولا الذنب بيفضل راكب معاه في كل طريق