ازي اخلي مراتي ترقص ليه في غرفة النوم

حكاية ياسين وفاتن لما الكبرياء كاد يهدد بيتهم ونصيحة منى سامي اللي غيرت حياتهم

ازي اخلي مراتي ترقص ليه في غرفة النوم. 

دي قصة حقيقية حكاليها واحد من متابعيني اسمه ياسين راجل في ال٤٥ من عمره متجوز من ست محترمة شاطرة في شغلها وعندها منصب عالي جداً لكن حياتهم الزوجية كانت على وشك السقوط بسبب مشكلة واحدة الكبرياء

البداية كانت إن ياسين رن عليا وقال لي يا منى أنا في مشكلة كبيرة واقف مع مراتي على الطلاق قلت له ليه قال لي عشان في يوم من الأيام رحت من الشغل وكان مزاجي تعبان وحطيط فقلت لمراتي عايزك تلبسي لي وترقصي لي وتدلعيني أنا مزاجي وحش النهارده

ردت عليه مراته بقول أنت مجنون أنا أرقص أزاي أنا ألي مين يعني


ياسين قال لها أنا جوزك وليا حق عليكي وعندي طلبات في بيتي غير الشغل اللي بتشتغليه أنا ماليش دعوة بشغلك اللي بره هنا في بيتي ليا طلبات تعمليها لي

مراته فاتن اللي عندها ٤٤ سنة قالت له اللي بيني وبينك الطلاق وأنا عارفة أطلقك ازاي

ياسين قال لي يا منى هي فعلاً قادرة تطلقني وأنا نايم في ريحها لأنها واحدة ذات منصب عالي وليها سمعتها ومكانتها في المجتمع وبتتعامل معايا زي الموظفين اللي تحت إيديها بالظبط

أنا قلت له دي مشكلة كبيرة بس متقلقش أنا هحلها لك وهخلي مراتك تفصل حياتها العملية عن حياتها الزوجية وهترقص لك وتدلعك زي ما نفسك

ياسين عرفني إنه شغال في شركة كبيرة وله اسم وسمعة لكن مراته شغالة في حاجة أعلى منه كمان وهي مديرة شركة قوية جداً وطبعاً الفرق بينهم سنة واحدة لكن المشكلة الحقيقية إن مراته بتعامله على إنه واحد من الموظفين مش جوزها

أنا طلبت رقم فاتن واتصلت بيها أول مكالمة كانت ناشفة قوي قالت لي مين منى سامي دي أنا مش فاهمة إنت مين ولا عايزة إيه

أنا كتمت الصوت وقلت في نفسي يخرب بيتك ده أنت من حقك تطلقيها لكني هديت نفسي ورنت عليها تاني وقلت لها ليه بتقفلي السكة ليه بتتعاملي مع الناس على إنهم أشياء تحت إيديكي

لما ذكرت لها اسم الأستاذ ياسين حسيت إنها حنت وسكتت خمس ثواني أنا بخبرتي عرفت إن هي نفسها ترجع بس محتاجة اللي يزقها ففتحت معايا باب كبير للكلام

فاتن قالت لي يا منى بصراحة أنا لغاية دلوقتي بتتحرج من جوزي يعني أنا واحدة عندها منصب وناس بشنبات تحت رجليا وترقص لواحد ده أنا مش عارفة

قلت لها أنت مغرورة بينك وبين نفسك الغرور هو اللي مخليكي تحسي إنك أعلى من جوزك وأنتِ بتحبيه قالت لي أنا بعشق ياسين وبحبه جداً

قلت لها لو كسرتي نقطة الغرور اللي عندك هترتاحي وحاولي تصاحبيه واكسري الكبرياء وخلي بينكم ود ولو عايزة تصالحيه هقرب لك المسافة هقفل معاكي وأقوله إنك هتتكلميه

ونصحت فاتن إنها تشتري بدلة رقص وتعمل زي اللي شافتها في فيلم السلم والتعبان لما مي عز الدين رقصت لجوزها قلت لها روحي محل هاتي بدلة رقص خشي الأوضة شطفي وتبرفني ولبسيها وشغلي مزيكا واطلعي قدام جوزك كده هتكسري الكبرياء وترجع المودة بينكم

كمان نصيحتي ليها إنها تقسم حياتها نصين زي ما تقسم ليمونة نصين جزء للحياة العملية وجزء للحياة الزوجية لما تكون في الشغل تنسى البيت ولما ترجع البيت تنسى الشغل

فاتن عملت بنصيحتي وكلمت ياسين بطريقة حلوة وصاحبية ومن ساعتها وهم عايشين في حب ومودة ياسين رجع يدلعها وهي بترقص له والحمد لله بعد ما كانوا واقفين على الطلاق بقت حياتهم عشرة على عشرة دلوقتي من تلات شهور وهم مشتركين عندي في القناة وبيشكروني             شاهد الفيديو الان 👇

الخلاصة يا ستات اللي عندها منصب عالي لما تروحي بيتك افصلي حياتك العملية عن حياتك الزوجية ما تتعامليش مع جوزك على إنه واحد من الموظفين الراجل بيحب الست اللي تدلعه وتكسري كبريائك عشانه


ويا رجالة دلعوا مراتكم وابصوا لها بعين الحب مش بعين الناس اللي بره مراتكم أجمل واحدة لما تحسوا بقيمتها هتقدملكم كل حاجة

مشاكل زوجية وحلولها الكبرياء في العلاقة الزوجية فصل الحياة العملية عن الزوجية الرقص للزوج زوجة مديرة وازاي ترجع المودة نصيحة منى سامي للستات المتسلطات الطلاق العاطفي والصلح بعد الخصام حكاية ياسين وفاتن
كانت معاكم منى سامي على قناة قصص منى سامي